TOLON

OpenOffice 3 eta Euskera

tolon — Thu, 30 Oct 2008 18:16:54 +0100

Gaur OpenOffice 3a deskargatu eta nire ordenagailuan instalatu det.

Orain dela egun batzuk publikatu dute bertsio berria, eta irakurri dudanez, interesgarriak diren zenbait aukera berri jarri diote.

Plugin baten bitartez, PDF dokumentuak editatzeko aukera.
Microsoft Office-eko dokumentuekin bateragarriagoa da.
Microsoft Office 2007 bertsioko docx formatuak ulertzen ditu.
Gehigarriak Firefox-en moduan instalatzeko aukera
Calc dokumentu bat pertsona batek baina gehiagok editatzea momentu berean.
MAC OS-rekin bateragarriagoa.
Eta abar.

Pena bakarra, oraindik ez daukagula euskerazko bertsioa. Hau ulergarria da, seguru lan handia izango dela bertsio berri hau euskeratzea.

Baina euskararen aldetik, berri on bat. Xuxen zuzentzaile ortografikoa gehigarri moduan instalatu daiteke xaguaren klik bakar batekin, eta hau oso erosoa da.

Oraingoz OpenOffice-eko menuak ez ditugu euskeraz izango, baina euskeraz hobeto idazten lagunduko digun tresnarik badugu behintzat.

Software Librea hezkuntzan

tolon — Thu, 02 Oct 2008 09:31:38 +0200

IKTeroen blogean jarri duten bideoaren erreferentzia bat irakurri det gaur goizean.

Bideo honetan, Richard Stallman-ek (Biografia erderaz) software librea zer den eta hezkuntzan zergatik erabili behar den esaten digu.

Berarekin guztiz konforme.

Klik Egin Euskarari

tolon — Sun, 07 Sep 2008 17:25:23 +0200

Milioi bat inguru euskal hiztunei zuzendurik, Microsoft Office 2007 eta Windows Vista euskaraz erabiltzea ahalbidetzen duen softwarea doan eskura daiteke jada www.microsoft.es/eus web berrian. Honela hasten da jaurlaritzako web orrian ekainaren 25ean publikatu zuten albisteak.

Ekainetik hona bi hilabete pasa dira, baina nire barnean daukadan moskeoak oraindik hor jarraitzen du, ez da batere baretu. Inork ez dezala pentsa Windows Vista eta Office euskaraz izateak haserretzen nauenik, ez da hori, haserretzen nauenak, gure agintariek Microsoft-eri kanpaina nola egiten dioten ikusteak da. Diario Vascon publikatu zuten albistean ziotenez: "Ahora es nuestro turno. Tenemos que demostrarle a Microsoft que ha merecido la pena su esfuerzo, que somos muchos los consumidores que vamos a utilizar sus herramientas en euskera". El viceconsejero de Política Lingüística, Patxi Baztarrika, lanzó el guante a ese más de 60% de hogares vascos en los que se utiliza con asiduidad el ordenador."

Ondo, Patxi Baztarrikak eskatzen digun bezela, goazen denok Microsoft-en produktuak erostera !! Bai, bai, ez harritu, erostera esan det, Windows Vista eta Office ez dira doakoak, berdin ordaindu behar dira, "doan" atera dutena euskeraz izateko aukera da, eta euskeraz jarri ahal izateko, lizentzia ofiziala izan behar dezu, lizentzia pirata dutenei ez die euskeratzen utziko (hau horrela izanik, ez dakit ba jende askok euskaratu ahal izango duen bere sistema).

Baina, doan ? ez dakit nik ba. Ikus ditzagun azken bi hilabeteetan prentsan agertu diren bi albiste:

BiscayTIK eta Microsoft: Bizkaiko Foru Aldundiak 17,4 milioi euro ordainduko dizkio Microsofteri gaur egun zentzu handirik ez duen proiektu bategatik.
Irailaren 5ean Euskal Herriko Aldizkarian publikatu duten lizitazioa: 600.000 euro EAEko ikastetxe publikoetan jarrita dauden informatika ekipamenduetako Microsoft Windows eragiteko sistemak mantentzeko lizentziak eta Microsoft Office lizentziak erabiltzeko eskubidea berritzea kontratatzeko lizitazioarena. Lizentzia hauek hezkuntzarako bakarrik, zer esanik ez antzerako gauzak egingo dituztela Osakidetzan, Lakuan, eta abar.

Ikusten dugunez, euskal erakundeetik badoa dirua Microsoftera, beraz, vista eta office doan euskaratu dutela esateak, gehiegi esatea dela esango nuke, era batean edo bestean urtero diru asko ordaintzen ari garelako (guztion dirua da, ez ahaztu).

Kontutan hartuta gobernuko lizitazioetan ofimatika eta sistemarako beti Microsoft enpresaren softwarea eskatzen dutela (beste software mota batzuk ere badaude txo !!), software monopolio egoera honetan jarraitzeko asko laguntzen du euskaraz dagoela esateak: "guk bai zortea, doan euskaratu du softwarea enpresa jator honek !"

Baina jarrai dezagun guzti hau aztertzen datuak mahai gainean jarriz:

Microsoft Office 2007 eta Windows Vista, 2007ko urtarrilean publikatu zituzten , eta euskaraz izateko aukera 2008ko ekainetik aurrera daukagu (lizentzia legala baduzu behintzat), beraz urte ta erdi beranduago (euskera bigarren mailako hizkuntza bezela hartzen dute, eta gu pozik egon behar)

Office-en hurrengo bertsioa 2009rako etorriko dela aurreikusten da. Bertsio berriak euskara aukera moduan izango du ? Orain arteko joera ikusirik, ezetz esango nuke.

Beste aukerarik ba al dago ? Software librearen aldeko apustua

Nik software librea erabiltzen det. Nire ordenagailuan, Windows-en ordez, Ubuntu jartzen hari naiz azkeneko urteotan. Ubuntu, euskaraz daukat, euskal komunitateari esker, eta kasu batzuetan , euskal gobernuari esker.

Une hauetan, Ubuntu 8.04 daukat instalatuta. Izenak dioen moduan, 2008ko apirilean publikatu zen (04), eta publikatu zen egunean, beste hizkuntzekin batera, euskaraz instalatzeko aukera zetorren.

Hurrengo bertsioa sei hilabete pasa ondoren publikatuko da, 2008ko urrian (10), eta Ubuntu 8.10 izango da. Hori ere euskeraz instalatzeko aukera izango det.

Baina ordenagailan programa asko izaten dira. Nik ez det Microsoft Office erabiltzen, nik Open Office erabiltzen det. Software librea, doan eta euskeraz.

Nabigatzailea ere euskeraz daukat, Mozilla Firefox 3 . Azkeneko bertsioa publikatu zutenean, Guinness errekorrean sartu ziren 17 ordutan sei miloi lagunek baino gehiagok deskargatu zutelako. Gure kasuan garrantzitsuena, errekor horretan, firefox euskeraz deskargatzeko aukera izan genuen euskaldunok, beste hizkuntza guztiekin batera. Nik egun hortan ez nuen sentitu gure hizkuntza bigarren mailakoa zenik, ez horixe.

Ubuntun beste hainbeste aplikazio dauzkat, eta horietako asko ere euskeraz: Audacity, ...

Azkenik, kanpainakin bat nator, Klik Egin Euskarari, eta horretarako erabili ezazu software librea, gure hizkuntza lehen mailako hizkuntza bezala tratatzen duen softwarea. Ez pirateatu, izan zaitez legala, erabili software librea.

Eta gure agintarientzat eskaera bat: zabaldu begiak eta ikusi etxetik gertu egiten den lana euskarak bere lekua izan dezan software munduan. Diru sartu, bai, baina etxeko enpresetan (ESLE) eta euskal komunitatean, dirutza izugarri horiek kanpoko enpresei eman beharrean. Ez izan beldurrik software librea bultzatzen. Hezkuntza Sarean aukera paregabea dago OpenOffice eta Firefox erabiltzen ikasteko.

Firefox erabilpena blogean

tolon — Sun, 15 Jun 2008 17:44:26 +0200

Atxukale.com-en firefox-en erabilpenaren estadistikak eman ditugu, eta bide batez nire blogeko estadistikak ere aztertu ditut.

Ez nuen espero ez datu hauek, baina poztu nautela esan behar. Firefox-ek explorer-i traineru batzuk ateratzen dizkio.

Zuk explorer erabiltzen badezu, animatu zaitez eta deskargatu firefox !!

Inoiz arte, Windows Vista !!

tolon — Mon, 09 Jun 2008 18:19:37 +0200

Windows Vista atera zutenean, nahiko polemika sortu zen, batez ere bere publikazioak izugarrizko atzerapena izan zuelako.

Hortaz aparte, asko idatzi da ere sistema honek erabiltzaileen eskubideak eta askatasuna kontrolatzeko zituen tresnei buruz ( DRM famatua).

Neri hasieratik gustatu ez zitzaidan ezaugarria: hardware baldintza izugarriak zituela, hau da, gutxienez 2 giga memoria behar izatea ordenagailua martxan jartzeko. Beste era batera esanda, ordenagailu berria erosi behar zenuen hori instalatzeko, edo bestela zure ordenagailua eguneratu memoria berria jarriz.

Eta hau zertarako ? zeintzuk ziren sistema berriak eskeintzen zizkizun abantailak ? ez dugu ba besterik gabe sistema berri bat ezarriko ezta ? abantailak izan beharko ditu ..., ala ez ?

Guk lanean argi genuen eta argi dugu, ez genuen gehiago ordainduko emaitza eskasagoak lortzeko. Hortaz aparte, behin ordenagailu bat erosita, ahalik eta emaitza hoberenak ematea nahi genuenez, Windows XP izatea baldintza moduan jartzen genuen, ez genuen nahi Windows Vista ezta doan ere, eta horrela eskatu izan diegu gure hornitzaileei.

Denbora aurrera doa, eta Vista publikatu zenetik denbora dexente pasa bada ere, azken aldian Vista-ren porrotari buruzko artikuluak publikatzen ari dira.

Adibidez joan zen astean El Pais egunkariak publikatutako Microsoft pierde vista edo atzo bertan publikatu den konparaketa: El portátil ideal ¿XP o Vista?

Nik neuk ez det ez bata ez bestea erabiltzen, nik Ubuntu/Linux erabiltzen det, eta ez det aldatuko. Hala ere, badakit jende askontzako ezinbestekoa dela Windows erabiltzea, eta ulertzen det. Hauentzako aholkua: zure esku badago, ez aukeratu Vista.

Ordengailu bat erosi behar badezu, esaiozu dendakoari argi eta garbi zuk ez duzula nahi Vista, Windows jarri behar badezu, aukeratu ezazu XP.

Hasta la Vista, Windows Vista !!

Inuzenteak ote gara ?

tolon — Sat, 07 Jun 2008 15:09:53 +0200

Orain dela pare bate urte disko gogorra duen DVD bat erosi nuen, Airis markakoa.

DVD hauek betiko VHS bideoa ordezkatzera datoz, disko gogorra dute eta DVDak ikusteaz gain, bertan ere pelikulak grabatu ditzakezu. Lehen VHS zintan grabatzen zena, orain DVDaren disko gogorrean geratzen da, eta ikusi ondoren, zuk erabakitzen duzu pelikula horrekin zer egin: ezabatu, diskoan gorde, edo DVD batera pasatu.

2007ko abenduan arazo bat izan nuen. DVDa sartzeko erabiltzen den bandeja ez zen ateratzen, itxuraz DVDa izorratuta zegoen.

Aparatu hauek bi urteko garantia dutenez, eta erosi zenetik oraindik bi urte pasa ez zirenez, dendakoei telefonoz deitu nien. Nire kasuan, DVDa Airis markakoa zen, eta Airis-en dendan (http://www.airis-pc.com/) erosi nuen, beraz argi neukan nora deitu behar nuen.

Arazoa azaldu orduko, "soporte técnico"-ra deitzeko esan zidaten, eta bertara deitu nuen, hor hasi ziren nire buruko minak: ez ziren arazoaren kargu egiten !!

Esaten zidatenez, legearen arabera, lehenengo urtean aparatuak arazoren bat izan ezkero, konpontzen zuten, baina bigarren urtean ez zuten konpontzen arazo teknikoak. Bigarren urtean, "faltas de conformidad" bakarrik hartzen zutela beraien gain.

"Le remito a la Ley de garantías Ley 23/2003 de 10 Julio de la venta de bienes de consumo, la cual indica en el articulo 9.1 que la garantía es de 2 años desde la entrega del producto, de los cuales los 6 primeros meses, que nosotros le ofrecemos hasta un año, se presupone que cualquier anomalía es defecto de origen. Salvo prueba en contrario, transcurrido este periodo se presupone la inexistencia de faltas de conformidad de origen."

Zer kristo den "falta de conformidad" ? Ba honela azaltzen zuten:

Para ampliar esta información le remito a la ley de Garantía de Venta de Bienes de Consumo del BOE del día 10 de Julio de 2003 donde podrá encontrar la definición de "faltas de conformidades" . No obstante le informo que una falta de conformidad es por ejemplo si el producto original ó alguno de los componentes difiere de las características que le indica en la factura .Es decir, si en la factura aparece que su equipo tiene un micro a 2.8 y su equipo dispone de un micro a 2.6. O por ejemplo, si usted compró un mp3 con radio, y el que le entregaron no lo tiene"

Ikusten dezuen bezela, legeak tartean sartuta, bazirudien nahiko argi zutela zer sartzen zen legean eta zer ez. Nik honen aurrean, ba ez nuen argumenturik, eta konponketa nire kargu hartzea erabaki nuen. Horretarako DVDa bidali behar izan nuen, lehenengo zer zuen ikusi behar zelako, eta horren arabera, konponketa onartu ala ez.

Bidali nuen ba aparatua abendu bukaeran, eta handik eta aste batzuetara telefonoz deitu zidaten. Aberia zein zen bazekiten, eta 100 euro kostatuko zitzaidala konponketa. DVDak 275 euro balio izan zuenez, konpontzea erabaki nuen, eta horrela esan nien telefonoz.

Teknikoek esan zidaten une hartan ez zutela konponketa egiteko behar ziren piezak, eta hilabete batean ez zutela izango, beraz DVDa bueltatuko zidatela eta piezak heltzen zirenean, berriro bidaltzeko, beraiek ezin baitzuten bertan izan.

Tarte horretan, lagun batek bere ordenagailuarekin arazo bat izan zuen, HP markako ordenagailua. Kasu horretan ere, bigarren urtea bete aurretik gertatu zen, baina kasu honetan, dendakoek arazoaren kargu egin ziren, eta horrek nahiko moskeatuta laga zidan. Kasu biak oso antzerakoak izanik, eta legea berdina, nola da posible batek bere kargu hartzea eta besteak ez ?

Engainatu nahi nindutela nahiko argi neukan eta laguntza behar nuen, nik legeei buruz ezer ez bait dakit. Horretarako kontsumo bulegoarekin (OMIC) harremanetan jarri nintzen.

Guztia azaldu ondoren, zalantzarik gabe arrazoia nuela esan zidaten, eta argumentu juridikoak eman zizkidaten. Aho zabalik geratu nintzen, AIRIS-ekoek indarrean ez zegoen lege bat erabiltzen ari ziren !!

Lo primero, la Ley 23/2003 está derogada por el famoso RD 1/2007. La normativa actual, en esencia, es igual a la anterior. Ahora está recogida en los arts. 114 a 127 del texto refundido de la LGDCU y otras leyes complementarias.

El vendedor responde de las faltas de conformidad que se manifiesten en un plazo de dos años. Lo que ocurre es que, durante los primeros seis meses, existe una presunción de falta de conformidad a favor del consumidor. Pero esto no quiere decir que la garantía dure seis meses. La garantía legal en un producto nuevo es de dos años (art. 123 del texto refundido).

Asi pues el vendedor debe responder de las faltas de conformidad. Esto es cuando:

1.- El producto no se ajuste a la descripción realizada por el vendedor y posea las cualidades del producto que el vendedor haya presentado al consumidor y usuario en forma de muestra o modelo.

2.- No sea apto para los usos a que ordinariamente se destinen los productos del mismo tipo.

3.- No sea apto para cualquier uso especial requerido por el consumidor y usuario cuando lo haya puesto en conocimiento del vendedor en el momento de celebración del contrato, siempre que éste haya admitido que el producto es apto para dicho uso.

4.- El producto no presente la calidad y prestaciones habituales de un producto del mismo tipo que el consumidor y usuario pueda fundadamente esperar, habida cuenta de la naturaleza del producto y, en su caso, de las declaraciones públicas sobre las características concretas de los productos hechas por el vendedor, el productor o su representante, en particular en la publicidad o en el etiquetado.

El vendedor no quedará obligado por tales declaraciones públicas si demuestra que desconocía y no cabía razonablemente esperar que conociera la declaración en cuestión, que dicha declaración había sido corregida en el momento de celebración del contrato o que dicha declaración no pudo influir en la decisión de comprar el producto.

Por lo tanto, y por supuestísimo, el vendedor deberá hacer frente a la reparación o a la sustitución (a elección del consumidor y siempre que no exista desproporción en la opción elegida), a no ser que el vendedor demuestre y acredite un mal uso por parte del consumidor.

Hau ikusi ondoren, kontsumo bulegora joan nintzen ofizialki nire erreklamazioa sartzera. Erreklamazioa sartu aurretik, lehenengo pausua informazio guzti hau AIRIS-ekoei bidaltzea izan zen, ea beraien erantzukizuna onartzen zuten, baina berriro ere ezetza jaso nuen.

Hau ikusirik, erreklamazioa ofizialki tramitatu genuen eta hor dena aldatu zen. Erreklamazioa AIRIS-ko beste pertsona batzuengana heldu zen, eta erantzuna guztiz desberdina izan da. Atzo jaso nuen DVDa. Ez da nik bidalitakoa, modelo berdina da baina beste aparatu bat da. Agian berria izango da, ez dakit.

Txapa guzti hau sartu ondoren: Inuzenteak ote gara ? Oraingoan ia ia engainatu naute. Argumentu faltsuak erabiltzen dituzte beraien ardurak ez onartzeko, eta guk lege asuntoetan adituak ez garenez, gehienetan ordaintzea tokatzen ez zaiguna ordaindu behar.

Sei hilabete pasa ondoren eta OMIC-en denuntzia sartu nuelako, egin behar zutena egin dute, baina zenbat kasutan jendeak ez du hau egingo ? Zenbatetan amore emango dugu esaten diguten gezurrak sinisten ditugulako ?

Aholku bat: bihar edo etzi antzerako zerbait gertatzen bazaizu, joan zaitez lehenengotik kontsumo bulegora. Herri askotan daude, eta laguntza ezin hobea emango dizute.

Eskerrik asko Eibarko OMIC-eko Esther-eri laguntza guztiagatik !!

Arreitunandia, Arroita Onandia, edo Arroitaonandia ?

tolon — Fri, 30 May 2008 22:41:58 +0200

Orain dela pare bat hilabete Luistxok Sustatun idatzi zuen artikulua irakurri ondoren ezagutu nuen Geni, zuhaitz genealogikoak sortzeko dagoen web gunea.

Oso erraza da bertan zure zuhaitz genealogikoa sortzea. Oztopo bakarra, ingelesez dagoela, baina bueno, oso intuitiboa denez, ez da arazo handia.

Nik lehendik banuen zuhaitz bat sarean. Ulaziatarren zuhaitza osatzeko, Calixto Ulaciak landutako informazioa erabili nuen. Zuhaitzean agertzen diren izenak lortzeko berak egin zuen ikerketa guztia. Nik informatizatu eta webean jarri nuen.

Geni-ren berri, berriro ere Joxe Aranzabalen Faroa blogean irakurri nuen, eta gauza politak egin daitezkeela ikusi nuen. Arazoa betikoa, astirik ez eta hurrengorako laga nuen.

Gaur arratsaldean siestako ordua aprobetxatu, eta sakramentu erregistroen datuak (1900. urterarte) sarean daudela aprobetxatuz (Gipuzkoa, Bizkaia eta Arabakoa) Arreitunandia-tarren zuhaitza osatzen hasi naiz.

Lana nahiko erraza da, kontuz izan behar da batzuetan izenak ez daudelako ondo idatzita, eta holakotan bilaketak huts egite dute, baina pazientzia pixkatekin, datuak ateratzen dira.

Pedro Arreitunandia Ituarte (1.969)
Pedro Arreitunandia Ulacia (1.939)
Francisco Casimiro Arreitunandia Belaustegui (1.900)
Jose Miguel Arreitunandia Galdos (1.873)
Francisco Manuel Arraitunandia Basterrechea (1.848)

Hemen, Francisco Manuel-ekin, pentsatu det erregistroan gaizki idatzi zutela abizena: Arraitunandia moduan agertzen da, ez Arreitunandia bezela. Baina gero konturatu naiz ezetz, hortik gora Arraitunandia moduan idazten dela.

Jose Ramón Arraitunandia Furundarena (1.823)
Jose Francisco Arraitunandia Yciar (1.805)
Manuel Antonio Arraytonandia Ibasseta (1.773)

Hemen berriro ere aldaketa bat. Arraitunandia izatetik, Arraytonandia izatera.

Francisco Xabier Arroita Onandia Ybieta

Koño !! Hemen abizena zatitu egiten da: Arraytonandia izatetik, Arroita Onandia izatera, eta ez hori bakarrik, Francisco Xabier-en arrastorik ez da agertzen Gipuzkoa osoan.

Arreitunandiatarren arrastoa galdu egiten da, azkena (lehenengoa hobeto esanda) 1758. urtean azaltzen zaigu (linkak lehenengoan errorea ematen du, baina leiho berrian URL helbidearen gainean jarri eta "enter" klikatuz, ondo kargatzen du)

Bilaketak egiterakoan, “Arroita Onandia” abizena ikusi det Elgetan 1721.urtean, eta horrek pista bat eman dit: Gure abizena ez ote dator Bizkaitik “Arroita Onandia” moduan ?

Ba bai, badirudi horrela dela. Francisco Xabier Elorrixon jaio zen 1734.urtean, eta Mutrikun bi aldiz ezkondu zen.

Oker ez banabil, hau da Mutrikura "Arreitunandia" edo hobeto esanda "Arroita Onandia" abizena Elorrixotik ekarri zuena.

Badirudi lehenengo "Maria Benarda Basurto Ysa" andrearekin ezkondu zela (linkak errorea ematen badu leiho berriko URL helbidearen gainean jarri eta ENTER klikatu) 1757.urtean , eta berarekin hiru seme-alaba izan zituela:

Francisco Javier Simon (1.758): (linkak errorea ematen badu helbidearen gainean jarri eta "enter" klikatu)
Clara (1.761) : (linkak errorea ematen badu helbidearen gainean jarri eta "enter" klikatu)
Joseph Ygnacio (1.762): (linkak errorea ematen badu helbidearen gainean jarri eta "enter" klikatu)

Badirudi Maria Bernada hil egin zela eta Francisco Xabier berriro eskondu zela Maria Clara Yzeta Garduza andrearekin.

Francisco Xabier-en aita Joseph Arroita Onandia Sarri Goitia zen, Berriz-koa.

Txapa luze hau eta gero, ...., badirudi Arreitunandia abizenaren jatorria “Arroita Onandia” dela, eta Google-en Arroitaonandia bilatzen badegu, erreferentzia pilo bat aurkituko ditugu, asko Berriz eta Zaldibar inguruetan.

Ni ez naiz inondik ere gauza hauetan aditua, baina Interneten dauden sakramentu artxiboak erabiliz, arratsalde bakar batean zuhaitzean sartu ditudan datu guztiak atera ditut eta Geni zerbitzuaz baliatuz, zuhaitza sarean jarri det. Ez hori bakarrik, zuhaitza era kolaboratiboan bete daiteke.

Zuk ere zurea egin nahi badezu, animatu, ez da gaitza.

Umeentzako eduki interesgarriak euskeraz

admin — Mon, 19 May 2008 22:22:06 +0200

Joan zen astean lagun batek (aupa Joseba) esan zidan niretzako opari bat zuela.

"Seguru gustatuko zaizula" esan zidan, eta bai asmatu ere.

Edukiak.info webguneko portadak bilatzaile bat aurkezten digu, eta hori ikusita, ez zera konturatzen barruan zenbat eduki dituzten.

Aldiz, link hau jarraitzen badezu, konturatuko zera barruan gauza dexente dituztela. Begiratu eta berehala konturatzen gara irakasleentzat pentsatutako web gune bat dela, baina bertan dauden eduki asko eta asko, etxetik ere erabiltzeko modukoak dira.

Askotan, guraso askok ez dakite zer ipini umeei ordenagailuan. Internet hor dago, baina oso "handia" da, eta askotan faltan botatzen degu ez ezagutzea eduki onak publikatzen duten web guneen helbideak.

Hau ona dirudi, ariketa asko ditu, eta gainera euskeraz dago. Txanogorritxoren ipuina nahi dezula ? ba hor duzu flash formatuan.

Eguneraketa (2008/06/06):

Eduki gehixo aurkitu ditut, kasu honetan erderaz daude, baina interesgarrixak iruditu zaizkit: Consumer-en web gunean daude Matematicas para escolares en la red izenburuarekin

Zorionak Manex

admin — Thu, 15 May 2008 21:35:03 +0200

Bixar Manexen urtebetetzia da, urte haundi bat egingo du gure hiloba txikixenak

Laidak bere lehengusuari zorionak zuri kantatzeko entrenatzen ibili da, eta hemen emaitza

Play-ri eman:

Txiletik Mutrikura

tolon — Sat, 03 May 2008 23:08:41 +0200

Orain dela hilabete lagun batek facebook-en kontua zabaldu zuela eta, nik ere berdina egiteko animatu ninduen.

Egin, egin nuen, baina gero ez diot kasu handirik egin. Astirik ez, eta hor utzi det, errepasatu beharreko zerrendan (luze xamarrra, egixa esateko) beste hainbeste asmoren artean lekua hartzen.

Aste honetan bapatean azalera etorri da bere kabuz, mezu bat jaso det facebook bitartez nirekin kontaktatu duen Txile-ko neska baten bitartez, Sandra Arrese izenekoa

Bere aitxa José Antonio Arrese Arreitunandia da, eta José Antonioren ama (Sandraren amona) Vicenta Arreitunandia Manterola Mutrikuarra zen.

Sandrak esan didanez, bere amona Txilen hil zan, 1955 edo 1956. urtean. Bere senarra José Luis Arrese Guerra izan zen, eta hiru seme alaba izan zituzten: Vicenta, José Antonio (Sandraren aitxa) eta Olga.

Sakramentu erregistroan bilaketak egin ditut, baina ez det aurkitu Vicentaren daturik. Seguruenez 1900. urtea eta gero jaixoko zan.

Tontakeri bat da, baina neri ilusioa egiten dit munduaren beste puntan dagoen pertsona batek nirekin kontaktatu eta bere amona Mutrikuarra zela esateak.