TOLON

Orain dela hilabete lagun batek facebook-en kontua zabaldu zuela eta, nik ere berdina egiteko animatu ninduen.

Egin, egin nuen, baina gero ez diot kasu handirik egin. Astirik ez, eta hor utzi det, errepasatu beharreko zerrendan (luze xamarrra, egixa esateko) beste hainbeste asmoren artean lekua hartzen.

Aste honetan bapatean azalera etorri da bere kabuz, mezu bat jaso det facebook bitartez nirekin kontaktatu duen Txile-ko neska baten bitartez, Sandra Arrese izenekoa

Bere aitxa José Antonio Arrese Arreitunandia da, eta José Antonioren ama (Sandraren amona) Vicenta Arreitunandia Manterola Mutrikuarra zen.

Sandrak esan didanez, bere amona Txilen hil zan, 1955 edo 1956. urtean. Bere senarra José Luis Arrese Guerra izan zen, eta hiru seme alaba izan zituzten: Vicenta, José Antonio (Sandraren aitxa) eta Olga.

Sakramentu erregistroan bilaketak egin ditut, baina ez det aurkitu Vicentaren daturik. Seguruenez 1900. urtea eta gero jaixoko zan.

Tontakeri bat da, baina neri ilusioa egiten dit munduaren beste puntan dagoen pertsona batek nirekin kontaktatu eta bere amona Mutrikuarra zela esateak.

Nik gaur arte ez nekien zer zen ASF fitxategi bat, eta gaur honelako fitxategi bat jaso dudanean, konturatu naiz multimedia formatu bat dela, bideoa eta audioa duen formatu bat.

Wikipedian begiratu det, eta hor azaltzen da zer den ASF.

Neretzat arazo bat izan da, nik fitxategi hori MP3 formatuan behar dudalako, baina zorionez, linux munduan badaude tresnak batetik bestera pasatzeko.

Ordenagailuan mplayer eta oggenc instalatuta izan behar ditugu. Hauek instalatzeko nire Ubuntu ordenagailuan hau egin det:
# sudo apt-get install mplayer vorbis-tools

eta gero ogg2mp3 script-a izan behar duzu. Nik hemendik deskargatu nuen bere garaian, eta hemen daukat : /opt/ogg2mp3/ogg2mp3

Goazen ba hau martxan jartzera !!

Demagun gure jatorrizko fitxategiaren izena fitxategia.asf dela, eta lortu nahi duguna fitxategia.mp3 dela.

Lehenengo asf formatutik wav formatura pasatuko dugu:

# mplayer -vc dummy -vo null -ao pcm:file=fitxategia.wav fitxategia.asf

Gero ogg formatura pasatuko dugu:

# oggenc -Q fitxategia.wav

Azkenik ogg mp3  formatura pasatu:

# /opt/ogg2mp3/ogg2mp3 fitxategia.ogg fitxategia.mp3

Listo, errorerik eman ez badu, hor daukazu mp3 fitxategia.

Hurrengorarte !!      :)

Interneten zerbait badago, edukiak dira. Denetarik daukagu: apunteak, argazkiak, bideoak, kantak,  ....

Batzuetan eduki horrek erabiltzen ditugu, hartu eta erabili, baina agian ez da legezkoa hori egitea, bere lizentzia ez bait da librea (edo agian bai)

Blog honetan, Creative Commons lizentzia erabiltzen dugu. Hori zer den ulertu nahi badezu, begiratu hemen

Orain, badakizula zer den, animatu eta zeuk ere erabili.

Aste honetan ikastaro baten egon naiz, enpresa digitalak antolaturiko ikastaroan. Ikastaroaren izena ez da betere erraza: "Gestión participativa de la información" !!!!

Iraskaslea Gorka Julio izan da, teketen moduan ezaguna dena euskal blogosferan. Ikastaroan zehar ikusi ditugun adibideetan, Gorka Aitzol-en laguna dela ere konturatu naiz.

Ikastaroan Gorkak esan digunez, bere izena nonbait agertzen denean, berak abisua jasotzen du, beraz, laister batean bere erantzuna jaso beharko luke mezu honek.

Ea zenbat denbora behar duzun Gorka, orain 11.25ak dira.

Aupa !!

Gaur egun interneten dauden zerbitzariak etengabe erasoak jasaten ari dira. Eraso horien helburua, zerbitzari horren kontrola hartzea, edo behintzat, zerbitzari horrek eskaintzen dituen  zerbitzuetako kontrola hartzea.

Kasu batzuetan ere, adibidez ftp zerbitzarietan, ez da izango zerbitzuaren kontrola hartzea, baina bai zerbitzari horretako kontu baten pasahitza lortzea, horrela zerbitzaria erabiltzeko aukera izateko.

Zertarako nahi dute erasotzaileek ftp kontu bat lortu zerbitzarietan ? ba birusak zabaltzeko, eta beste erasoetan erabiltzeko.

Arrazoia bat izan edo bestea, Interneten zerbitzari bat duenak badaki segurtasuna garrantzitsua dela eta erasoak etengabe jasaten direla. Adibide moduan, hemen daukazue gure zerbitzari baten log-aren zati bat:

---

Mar 26 13:24:38 LINUXZERBITZARIA sshd[31384]: Invalid user johnathon123\r from 124.6.178.156
Mar 26 13:24:41 LINUXZERBITZARIA sshd[31386]: Invalid user tobias\r from 124.6.178.156
Mar 26 13:24:45 LINUXZERBITZARIA sshd[31392]: Invalid user tobias123\r from 124.6.178.156
Mar 26 13:24:48 LINUXZERBITZARIA sshd[31394]: Invalid user kendall\r from 124.6.178.156
Mar 26 13:24:52 LINUXZERBITZARIA sshd[31396]: Invalid user kendall123\r from 124.6.178.156
Mar 26 13:24:57 LINUXZERBITZARIA sshd[31398]: Invalid user cyrus\r from 124.6.178.156

---

Ikusten denez,  124.6.178.156 helbidetik ssh konexioak zabaldu nahian ibili dira, horretarako erabiltzaile izen desberdinak erabiliz: tobias, kendall, cyrus, ....

Linux Magazine aldizkariko azkeneko zenbakian, tresna berri bat ezagutu det arazo hauei aurre egiteko: fail2ban izeneko tresna.

Atzo probatzen ibili nintzen eta ondo dabilela ikusi ondoren, gure zerbitzarietan instalatu det.

Bere funtzionamendua oso xinplea da. Zerbitzuek (ftp, ssh, apache, eta abar) duten log fitxategiak begiratzen ditu, eta log horietan errorea eman duten autentifikazio saiakerak kontutan izaten ditu. Zuk konfigurazioan esango diozu zerbitzu bakoitzean zenbat saiakera onartzen dituzun, eta IP jakin batetik saiakera kopurua gainditzen denean, IP horren konexioak iptables (suebakia) erabiliz blokeatuko ditu denbora batez. Zenbat minutuz blokeatuko duen IP hori zeuk erabakitzen duzu konfigurazio fitxategian.

Gauza hauek adibideekin hobeto ulertzen direnez, fail2ban-en konfigurazioaren zati bat ( /etc/fail2ban/jail.conf )

---

[ssh]
enabled = true
port    = ssh
filter  = sshd
logpath  = /var/log/auth.log
maxretry = 6

[vsftpd]
enabled  = true
port     = ftp,ftp-data,ftps,ftps-data
filter   = vsftpd
logpath  = /var/log/vsftpd.log
maxretry = 6
bantime=300

---

Ikusten den moduan, ssh eta ftp zerbitzuak zaintzen ari naiz. Biak  6 saiakera egin ondoren zerbitzua blokeatzeko konfiguratuta daude, eta ftp-aren kasuan, 300 segundoz blokeatuko du Ipa. ssh-k defektuzko denboraz blokeatuko du, 600 segundo.

Honen emaitza, bere log-ean ikus dezakegu:

---

# tail -f /var/log/fail2ban.log 
2008-03-27 19:05:24,393 fail2ban.actions: WARNING [ssh] Ban 222.90.65.251
2008-03-27 19:10:25,386 fail2ban.actions: WARNING [ssh] Unban 222.90.65.251
2008-03-28 02:47:54,098 fail2ban.actions: WARNING [ssh] Ban 213.136.105.104
2008-03-28 02:52:54,142 fail2ban.actions: WARNING [ssh] Unban 213.136.105.104

---

Ikusten denez, bi IP helbidetik ssh konexioak zabaltzen saiatu dira, eta blokeatuak izan dira. Bietan, 10 minutu beranduago, konexioak berriro baimendu dira.

Honelako tresnak gustatzen zaizkit: xinpleak eta efektiboak.

Gora software askea !!!

Norbaitek Do not save me ekimena jarri du martxan sarean. Bat egiten dut ekimenarekin.

Salbatzailerik ez, eskerrik asko

Norbaitek, ETAkideren batek seguruenez, PSE-EEko zinegotzi izandako Isaias Carrasco tiroz hil du gaurkoan, etxetik irteten ari zela, emaztea eta alaba ondoan zituela. Euskal Herria libreago omen da orain.

Hori bada Euskal Herria salbatzeko, libre eta independente egiteko bidea, mesedez, ez nazala inork salba. Eskerrik asko.

¿Salvapatrias? No, gracias

Alguien, probablemente un activista de ETA, ha matado hoy a tiros al ex-concejal del PSE-EE Isaias Carrasco, mientras salía de casa con su mujer y su hija. Se supone que Euskal Herria es un poco más libre ahora.

Si esa es la forma de salvar Euskal Herria y hacerla libre e independiente, por favor, no me salven. Gracias.

Do not save me, thanks

Someone, probably an ETA activist, has shot former PSE-EE councilman Isaias Carrasco dead, when he was leaving home with his wife and his daughter. Euskal Herria (Basque Country) is supposed to be a little more free after that.

If that is the way to save Euskal Herria, to make it free and independant, just please do not save me, thanks.

Demagun Writer dokumentu handi bat daukazula, manual bat adibidez, eta hor dauden irudiak erabili nahi dituzula antzerako beste manual bat egiteko. Orain arte nola egingo genuke ? agian banaka banaka irudiak kopiatu eta beste dokumentuan itsatsi ?

Agian ez daukagu horrelako Writer dokumentu handiak, baina seguru badauzkagula Word dokumentu oso handiak. Word dokumentu hortan dauden irudiak aprobetxatu nahi baditugu, zer ?

Hemen soluzio on bat. Word baldin bada, lehenengo writer erabiliz zabaldu eta openoffice-en formatuan gorde, odt bezela. Demagun fitxategiaren izena manuala.odt dela.

Gero, fitxategi sistematik izena aldatu, eta manuala.odt fitxategiari manuala.zip izena jarri. Orain, zip fitxategi hori deskonprimitu (bai, posible da) eta ikusiko dezue karpeta bat sortzen duela "manuala" izenarekin. Karpetan horren barruan besteak beste, beste karpeta bat dago "Pictures" izenarekin. Hor dauzkagu jatorrizko dokumentuak zituen irudi guztiak erabiltzeko bezela.

Irudi hauek png formatuan daude. Formatu hau guztiz erabilgarria da openoffice-ekin, baina ez bazaizu gustatzen, pila bat tresna daude jpg moduan lagatzeko.

Ez naiz sartuko "manuala" karpetan dauden gauza guztiak zer diren azaltzen, baina esango dizuet content.xml fitxategian dagola dokumentuan idatzita ikus dezakegun testu guztia.

MS Office-ekin hau ezinezkoa da. Demagun Word fitxategi bat izorratu egin dela, ..., ba gure lan guztia pikutara. Demagun Writer dokumentu bat izorratzen dela, ..., ba agian lanaren zati handi bat berreskuratzeko aukera daukagu, gutxienez irudiak.

Ez dakienentzako: OpenOffice MSOffice bezelako pakete ofimatikoa da, baina software librea da. Lizentziarik ez da ordaindu behar, beraz doan erabili dezakegu, pirateatu gabe. Writer testu editorea da, Word modukoa.

Handiago ikusteko klikatu hemen

Atzo Kutxak bidaltzen digun kontuen mugimenduak begiratzen ari nintzela, beraien zerbitzuen propaganda ikusi nuen.

Mugimenduen laburpenak eta frogagiriak paperean jasotzen ditugu, eta zerbitzu berri baten bidez, paperean jaso beharrean, Internet erabiliz kontsultatzeko aukera eskeintzen dute.

Zerbitzuari buruz gauza asko esan daitezke, baina ez naiz horri buruz hasiko. Atentzioa deitu didana beste gauza bat izan da. Triptikoan, nabigatzaile bat agertzen da zerbitzuaren berri emateko, eta ezetz asmatu zein den nabigatzailea ? Mozilla Firefox.



Kasualitatea ? agian, baina ez det uste. Honelako erakundeak ez dute gauza hauek kasualitatez egiten.

Azkenean, publikatu dute OpenOffice2-rako Xuxen bertsioa.

Atzo jarri omen zuten www.euskadi.net/euskara_soft helbidean. Oraintxe bertan instalatzera noa, ea nola dabilen.