Itzuli albisteetara

Mutrikuko plano librea aurrera doa

2008-09-11  ¦  Egilea:  Gari Araolaza

Mutrikuko planoa behar duzuela edozertarako? Hementxe daukazue doan, edozein aldizkari edo folletotan erabiltzeko moduan. Azken hilabeteotan poliki-poliki betetzen ari gara eta itxura hartzen hasi da, baina Mutrikuarren laguntza ere ondo etorriko litzateke.

Mutrikuko plano librea

Zenbait berezitasun

  • OpenStreetMap proiektuaren barnean egin dugu. Mapak egiteko Wikipedia dela esan genezake, auzolanean eta emaitza denontzat libre.
  • Librea? Besteak ez dira libreak ala?: Egia esan ez. Mapek Copyrighta dute eta beraien erabilpena mugatuta dago. Kasu honetan ez, Creative Commons BY-SA lizentziari esker erabili daiteke.
  • Eguneratua: edozein aldaketa egin eta egun gutxitan eguneratzen da mapa. Adibidez, babes dikearen egoera nahiko aurreratua dago mapan, nahiz eta ez den azken-azkeneko egoera. Begiratu ongi.
  • Akatsak zuzentzea gure esku: Norbaitek akatsen bat aurkitzen badu edo informazioren bat falta dela, momentuan zuzendu dezake.
  • Hasieratik euskaraz: kaleen izenak euskaraz hasieratik, eta ez "Calle del Conde" edo "Bajada de Sabanica"

Eman bistazo bat eta erabili lasai. Akatsak konpondu edo kaleen izenak gehitzeko, hasi lanean OpenStreetMap proiektuan edo bestela idatzi niri: gari (abildua) eibar.org

« Erantzun